جے پور 22 مارچ (ایس او نیوز؍آئی این ایس انڈیا) راجستھان میں جیسلمیر کے کوتوالی تھانہ علاقہ میں کل ایک شخص نے مہاتما گاندھی کا مجسمہ توڑ دیا۔کوتوالی تھانہ پولیس نے آج یہ معلومات دیتے ہوئے بتایا کہ ڈاکٹر اشوک میگھوال نے مہاتما گاندھی کے مجسمہ کو بھاری لوہے سے وار کر توڑ دیا ۔ پولیس نے کل ڈاکٹر میگھوال کے خلاف تعزیرات ہند کی دفعہ 285 اور سرکاری جائیداد کو نقصان پہنچانے کا مقدمہ درج کر گرفتار کر لیا ہے ۔ پولیس نے بتایا کہ ذہنی بیماری میں مبتلا ڈاکٹر میگھوال کے خلاف پہلے بھی فوجداری مقدمہ درج ہے ۔